Cov Tswv Yim Pab rau Cov Niam Txiv

Cov Tshuaj Tiv Thaiv Qaug Dab Peg (Antiepileptic)

• Pib siv hom tshuaj hu ua "antiepileptic drug (AED)" yog txoj kev kho tiv thaiv kom txhob chua leeg.
• Yuav tsum noj cov tshuaj no txhua txhua hnub thiaj tiv thaiv tau kom txhob chua leeg. Huav qab no yog ib cov tswv yim pab kom nco qab siv cov tshuaj:
  • Muab cov tshuaj tib lub sij hawm txhua txhua hnub tam li yog tus me nyuam ib txoj kev ua hauv nws txhua hnub, xws li muab rau thaum noj pluas mov, los yog thaum txhuam hniav.
  • Cia koj tus me nyuam muab daim ntawv nplaum lo rau hnub uas nws noj lub tshuaj tag lawm. Qhov no yog ib txoj kev ua kom lom zem rau koj tus me nyuam thiab yog ib txoj kev teev tseg kom paub tias siv cov tshuaj lawm.
  • Siv lub nkev ntim tshuaj kom pab xyuas txhua hnub kom tsis muaj hnub tsis nco qab noj tshuaj.
• Nws tseem ceeb heev uas yuav tsum tsis txhob kem tsis noj cov tshuaj. Tej thaum yuav tsis nco noj vim yog muaj mob los yog tsis nco qab lawm.
  • Yog tsis nco qab noj tshuaj lawm, noj sai li sai tau thaum koj nco dheev txog, tsuav koj tsis txhob muab 2 pluag tshuaj rau noj tib zaug xwb. Ces muab pluas tshuaj tom ntej rau noj tom qab 4 teev yog qhov luv kawg. Tsis txhob yuav "caum noj kom cuag" cov tshuaj rau hnub tom qab.
  • Yog koj tus me nyuam tseem mob thiab ntuav tawm cov tshuaj tom qab 20-30 feeb uas noj tshuaj los yog koj pom cov tshuaj tawm los thaum koj tus me nyuam ntuav, tos kom nws haus taus dej uas tsis ntuav lawm koj mam li rov sim muab qhov tshuaj rau nws noj. Yog koj tus me nyuam ntuav dua zaum ob, tsis txhob muab tshuaj ntxiv lawm. Hu rau koj tus kws kho mob los yog tus tuam thawj pab xyuas neeg mob kom pab.
• Yog koj tus me nyuam muaj mob los yog muaj tej yam kev mob tshwm sim thaum nce cov tshuaj ntxiv los yog txo kom tsawg cov tshuaj antiepileptic, hu rau koj tus kws kho mob los yog tus tuam thawj xyuas neeg mob kom paub cov lus qhia txog lub tswv yim hloov tshuaj tom ntej.
• Tej cov tshuaj, xws li cov muag hauv khw rau khaub thuas, tshuaj tsam plab, yuav muaj tej yam cuam tshuam nrog koj tus me nyuam cov tshuaj antiseizure – ua rau cov tshuaj muaj zog heev dua los yog tsis muaj zog heev dua qub lawm. Nrog tus kws muab tshuaj kom paub tseeb tias siv tau lwm cov tshuaj nrog antiepileptic. Siv tau cov tshuaj loog mob acetaminophen (Tylenol®) los yog ibuprofen thaum koj tus me nyuam siv cov tshuaj tiv thaiv chua leeg.
• Rov xyuas tsab ntawv qhia txog koj tus me nyuam qhov tshuaj. Hu rau tus kws kho mob los yog tus tuam thawj xyuas neeg mob yog koj pom tej yam teeb meem uas koj xav tias tsam muaj feem xyuam nrog cov tshuaj antiepileptic.
• Thaum twg koj tus me nyuam loj hlob txaus tsim nyog, pab kom koj tus me nyuam nco ntsoov noj nws tshuaj nws tus kheej. Lub sij hawm zoo pib yog thaum nws kawm ntawv qib 5 rau 6. Koj xub pib muab lub nkev ntim tshuaj lub nrog nws txhua lub lim tiam. Ces cia nws noj cov tshuaj nrog koj kom koj xyuas kom nws nco ntsoov noj.
• Thaum koj tus me nyuam kawm ntawv qib high school, kom nws pib hu rau lub chaw muag tshuaj. Qhov no yuav pab kom lawv paub hauj lwm rau yav thaum lawv laus loj txaus.

Tsab ntawv no luam tau tawm vim yog tau nyiaj txiag pab los ntawm tsoom fwv teb chaws Chaw Khiav Pab Kev Noj Qab Haus Huv thiab Cov Kev Txhawb (Health Resources and Services Administration) (#1H98MC03907-02-00), thiab cov ncauj lus hauv no tsuas yog cov tswv cuab sau thiaj lees paub xwb tsis yog HRSA cov kev xav