Zoo Siab Tog Txais Koj!

Peb cia siab tias koj yuav nhriav tau tej yam yuav pab tau rau koj thiab koj tus menyuam uas muaj mob chua leeg, lossis nrhiav kev pab rau cov tsev neeg muaj tib neeg chua leeg xws li cov cov niam thiab txiv, koom haum pab ib tse, lossis yog ib tug kws kho mob.

The Network

The Wisconsin Seizure Control Network yog ib cov koom haum los ua ke, thiab cov tib neeg muaj ib tse, thiab lwm cov neeg uas xav pab lub xeev Wisconsin kom yog ib lub chaw zoo heev rau cov menyuam yaus uas mob chua leeg, thiab rau cov tu lawv.

Lub website no yog ib qhov tswv yim los pab nrog daim ntawv xov xwm, hu ua Brainstorms (Kev Nhriav Tswv Yim Pab). Yog koj xav kom peb xa ib daim ntawv xov xwm hu ua Brainstorms tuaj rau koj xa ib qhov email tuaj rau peb tim seizurenet@yahoo.com ces peb mam li muab koj lub npe tso rau thaum peb yuav xa daim ntawv xov xwm tuaj.

EPILEPSY yog dab tsi?

Epilepsy yog ib lub npe rau ib qhov mob nyob rau cov leeg hauv lub paj hlwb khiav tsis zoo ces ua rau tus neeg tsaus muag. Thaum tsaus muag li no lawm hu ua chua leeg. Muaj ntau hom chua leeg, thiab muaj ntau yam ua tau rau ib tug neeg mob chua leeg. Tiam sis txawm tus neeg twg mob chua leeg los tsis yog txhais tias nws yog tus neeg muaj mob nkaus xwb! Qhov mob no tsuas yog ib qhov rau tus menyuam xwb, piv txwv li nws kev siab li cas thiab nws cov xim plaub hau thiab nws tus cwj pwm yuav zoo li cas. Qhov peb xav kom koj paub heev txog yog:

Cia Menyuam Yaus Ua Li Menyuam Yaus!

Tam sim no yeej mauj kev ntsuam xyuas thiab kev pab tshiab uas tseem yuav tsim tuaj, tiam sis koj yeej paub tias ib qhov tseem ceeb heev rau cov neeg muaj mob chua leeg yog lawv kev sib raug zoo nrog tib neeg tim tsev, tim tsev pov hwm ntuj, tim tsev kawm ntawv, tim tej chaw ua si thiab lwm qhov chaw neeg mus nyob ua ke. Yeej tu siab tias tseem muaj tej tus neeg ntseeg txog kev mob chua leeg uas tsis yog qhov tseeb.

Ib qhov tswv yim yog tias cov menyuam mob chua leeg tau tiv thaiv lawv tus kheej ntawm qhov mob no. Yeej muaj tseeb tias tej cov menyuam mob chua leeg hynav tau looj cov kaus mom tawv, thiab mus luam dej tsis tau, tiam sis txawm lawv muaj tej yam txwv lawv li no los lawv tau ua si thiab, tau nhriav kev ua si kom ua tau li lawv ua tau rau tej kev ntaus los ncaws npaas, thiab ua si rau tim tsev kawm ntawv. Yeej muaj cov tsev neeg pom lawv cov menyuam muaj mob chua leeg uas mus ua si ntaus los ncaws npaas, zoo li lawv chua leeg tsawg tshaj cov tsis tau mus ua si.

Tuaj Koom Nrog Peb!

Peb tseem nhriav neeg tuaj koom nrog peb lub Network, thiab nrhiav tswv yim rau daim ntawv xov xwm, thiab tswv yim rau lub website no! Peb xav caw nej tuaj koom nrog peb. Ib qhov koom uas yooj yim yog mus teb cov lus nug rau daim Ntawv Ntsuam Xyuas Cov Tsev Neeg. Yog koj tsis xav teb tas nrho cov lus nug los teb cov tseem ceeb heev rau koj xwb los tau. Cov lus koj teb yuav pab qhia rau peb paub tias cov neeg ib tse yeej zoo li cas yog muaj cov menyuam mob epilepsy.

Ib qhov koj pab tau yog koj xa duab lossis tej yam xov xwm tuaj rau peb daim ntawv xov xwm Brainstorm. Koj puas muaj dab tsi qhia tuaj rau peb uas txaus luag, ib qhov tswv yim zoo qhia rau lwm tus kawm, lossis koj puas muaj ib daim duab muaj ib tug menyuam mob chua leeg luag ntxhi ua si lom zem lossis ua lub ntsej muag luag ntxhi qhia tias nws “zoo siab heev”? Xa tuaj kom muaj tau lwm tus pom thiab!

Tsis txhob ua siab deb hu tuaj rau peb!

Peb ntxiv cov lus tshiab rau peb lub website rau hnub tim 1 lub xya hlis ntuj xyoo 2008.